Нырыккон журналистикæйы форум “Вся Россия – 2023”-йы ацыд Цæгат Ирыстоны стенды презентаци. Йæ сæйраг здæхт – аразгæ интеллект.
Нейросеть адæймаджы архайд баивдзæн, уыимæ ма йæ руаджы кæцыдæр дæысныйæдтæ нал хъæудзысты? Нæ делегаци бацæттæ кодта æппæты ирдæр равдыст форумы. Ныридæгæн æй федтой не ‘мкусджытæ Дагестан, Воронеж, Якути æмæ æндæр регионты минæвæрттæ.
Фыццаджыдæр уал уазджытæн равдыстой Нарты кадджытæй фрагмент. Радзырдтой сын Гæздæнты Гайтойы биографи. Форумы архайджытæм йæ раныхасы фæсидт журналистты цæдисы сæрдар Владимир Соловьев. Традицимæ гæсгæ, республикæйы минæвæрттæ се ‘ппæты дæр сбуц кодтой ирон чъиритæй. Адæмон кæфтыты ансамбль “Алани” та сын акодта чызджыты кафт.
