Музыкалон балцы зындгонд советон мультипликацион кинонывтæм араст сты 29-æм скъолайы ахуырдзаутæ. Ахæм æхсызгондзинад сарæзтой райдиан кълæсты ахуыргæнинæгтæн.
Суанты Кимы номыл паддзахадон национ эстрадон оркестр сын зындгонд мелодитæ ацагъта æмæ азарыдысты зарджытæ. Сывæллæттæ дæр зæрдиагæй равдыстмæ байхъуыстой, суанг ма сæхæдæг заргæ дæр кодтой. Мелодитæ сын аргъæутты персонажты сæ цæстытыл ауайын кодтой. Аивæдты сгуыхт кусæг æмæ оркестры разамонæг Къæбойты Николай сын радзырта музыкалон инструментты тыххæй дæр. Мадзал сарæзтой проект программӕ “Музыка детям и не только”-мæ гæсгæ. Ахæм концерттæ коллектив аразы æрвылаз.
