Аив æмæ арæхстджын змæлд. Спортивон ерысты Ростовы нæ гимнасткæтæ равдыстой хорз бæрæггæнæнтæ. Командæ «Алани» жюрийы зæрдæтæ балхæдта. Сæ цæттæдзинадæн сын скодтой аккаг аргъ.
Хъæлдзæг музыкæимæ тренировкæ дæр бæстондæр рауайы. Ахуырты райдианмæ нырма рæстæг ис, фæлæ æрыгон гимнасткæтæ иууылдæр сты гауызыл. Сæхи цæттæ кæнынц. Се уæнгтæ ивазынц, архайынц пуртииимæ. Разæй та ма — сахаты бæрц бæстон куыст тренеримæ. Сæ кармæ гæсгæ ам ахуыр кæны цалдæр къорды. Æрæджы спортсменкæтæ сæ цæттæдзинад равдыстой Ростовы спортивон æхсæнад «Локомотив»-ы гом турниры. Сæ арæхстдзинадæй уайтагъд фæндаг ссардтой жюрийы зæрдæтæм.
Аив змæлд æмæ æнæмæнг хиуылхæст. Æнтыстджын бæрæггæнæнтæ равдыстой хистæр къорд дæр. «Алания» командæ бацæттæ кодта пуртитимæ номыр.
Ахæм æнтыстдзинæдтæ къухы бафтыдысты къорд тренировкæтæ æмæ хиуыл куысты руаджы. Чызджытæ ерысты архайдтой нæ бæстæйы алы горæтты. Сæхи æнтыстджынæй равдыстой. Æрæджы та бацархайдтой Дзæуджыхъæуы ерысты, бацахстой дыккаг бынат. Разамонджыты ныхæстæм гæсæгæ, турниртæ æрмæст профессионалон рæзт æмæ хи равдисынæн не сты æххуыс.
Ам алы сывæллонмæ дæр ис бæстон æмæ комкоммæ æркаст. Уый ныййарджытæ дæр дзурынц.
Æрыгон гимнасткæтæ архайынц Октябрскæйы спортивон комплексы. Кæд сæм хæстæгдæр рæстæг ерыстæ нæ уыдзæн, уæддæр сæхи цæттæ кæнынц бæстонæй. Æппынæдзух сæхиуыл кусынц. Тырнынц ног уæлахизтæм.
