Паддзахадон автоинспекцийы Мæздæджы районы кусджытæ сарæзтой æфсæнвæндаджы ахизæнтыл æдасдзинады акци. Инспектортæ урæдтой хæдтулгæтæ. Шофыртæн сæ зæрдыл æрлæууын кодтой фæтк ма фехалгæйæ цæуын куыд хъæуы, уый.
Радзырдтой, уагæвæрдтæм куыдфæндыйы цæстæй чи кæсы, уый дзуапп кæй дæтдзæн административон æгъдауæй. Æфсæнвæндаджы сæрты ахизын у фæндаггон змæлды зындæр æмæ тæссагдæр мадзæлттæй иу. Адæймаг хъуамæ уа лæмбынæг. Паддзахадон автоинспекци зæрдыл лæууын кæны, ныртæккæ закъонмæ гæсгæ, фæткхалæг бафиддзæн ивар 5 мин сомы. Гæнæн ис, шофырæн йæ машинæскъæрæн барады æвдисæндар дæр байсой 3-йæ 6 мæймæ. Фæтк дыккаг хатт куы фехала, уæд та иу азмæ.
