Сывæллонджын бинонтæн æххуысӕн арӕзт паддзахадон программæ æххæст кæнгæйæ республикæйы Социалон фонды хайад радта 71 мин сертификатæй фылдæр мадæлты капиталæн фыццаг æмæ дыккаг сывæллонæн.
Сæ 62% ныридæгæн фæрæзтæй спайда кодтой. Куыд æгас бæстæйы, афтæ Цæгат Ирыстоны дæр арæхдæр сертификатæй фæхуыздæр кæнынц сæ цæрæнбынат. Ног хæдзæрттæ самал кодтой 41 мин бинонтæй фылдæр. Уыдонæй 16 мины, хайгай науæд æнæхъæнæй, цæрæуæтты кредиттæ баххæст кодтой мадæлты капиталæй.
Ахуырадон лæггæдтæ дзы бафыстой 3 мин 500 бинонтæ. Арӕх ма сты, æрвылмæйон фиддоны хуызы чи пайда кæны мадæлты капиталæй, уыдон. Фылдӕр вæййынц чысыл æфтиæгтимæ бинонтæ.
Æдæппæтæй 2018 азæй 2 мин бинонтæ фæсидтысты ахæм хуызы æххуысмæ.
