Цæгат Ирыстоны мидхъуыддæгты министрады наркотиктæ зилдух кæныны ныхмæ цæстдарæг управленийы кусджытæ раиртæстой Дзæуджыхъæуы наркотиктæ чи уæй кодта, ахæм 36-аздзыд нæлгоймаг æмæ 40-аздзыд сылгоймаджы. Ссардтой тыхджын синтетикон наркотик – метадон. Зианхæссæг буаргъæд фæнд кодтой апарахат кæнын нæ республикæйы.
Санкт-Петербургæй уазджытæ бацардысты Дзæуджыхъæуы фысымуæттæй иуы. Оперативон-сгарæн мадзæлтты руаджы фыдгæнджытæм ссардтой метадоны 900 дозæйы. Сусæгæвæрджытæн наркотик апарахат кæнын нæ бантыст. Ныр сæ ныхмæ байгом кодтой уголовон хъуыддаг Уæрæсейы уголовон кодексы 228-æм статьямæ гæсгæ. Гæнæн ис æмæ ахæстоны фæбадой 20 азы онг.
