Республикæмæ ссыд Пензæйы делегаци. Беслæны фыццæгæм скъолайæн радтой дзуарыныв “Земля живых”. Сурæт снысан кодтой 2004-æм азы цаутæн, фысгæ та йæ кодтой мемориалон комплексы бынаты Георгий Уæлахизхæссæджы аргъуанæй фæйнæгыл. Уазджытæн радтой лæвæрттæ æмæ бузныджы фыстæджытæ.
Æмбырды архайджытæ ма иу хатт фæнысан кодтой, уыцы цаутæ хъуыды кæнын куыд ахсджиаг у, цæмæй абон ахæм фыдбæллæх мауал æрцæуа. Æфсымæрон горæт Пензæйы минæвæрттæ Беслæн ныр бабæрæг кодтой иуæндæсæм хатт, æмгуыстады фæрцы арæзт цæуынц наукон æмæ историон мадзæлттæ.
