Премьер Дзанайты Барис разамындӕй уыд аппаратон ӕмбырд

Тъӕнгты инфекцитимӕ рынчындӕттӕм чи фæсидт, уыдоны нымӕц фӕкъаддӕр 5,1% бӕрц. Уый тыххæй фехъусын кодтой аппаратон æмбырды. Амыдта йæ Дзанайты Барис. Эпидемиологон уавӕр нывыл у. Бӕрӕггӕнӕнтӕ сты рӕстӕмбис. Ноджы ӕрдзырдтой ӕдасдзинады фарстатыл. Къуыримӕ ӕрцыд 17 зынгсирвӕзты. Хъыгдард ничи баййӕфта. Быдырты нырма зынгсирвӕзтытæй тæссаг у. Фӕндӕгтыл ӕрцыд 76 транспортон цауы. Уыдоны хъыгдард баййӕфтой 23 адӕймаджы. Ноджы ма иу темӕ — артаджы ӕвӕрӕнтӕ. Бæрнон министрадæй куыд фехъусын кодтой, афтӕмӕй бензин ис æппæт станцæты дӕр. Фӕлӕ иуӕй-иу рæтты нырма радтæ сæвзæры. Цӕгат Ирыстоны хицауады хъус дарынц уавӕрмӕ. Кæронбæттæны ныхас цыд национ проекттӕ ӕмӕ паддзахадон программӕтӕ ӕххӕст кӕныныл. Премьер-министр бабар кодта уыцы фарстамӕ карзӕй цӕст дарын.