Пысылмон диныл хæст адæмæн райдыдта ком дарыны мæй – Рамадан. Хуыцаумæ кувыны, хордзинæдтæ кæнын æмæ уды сыгъдæгдзинадмæ тырныны рæстæг.
Бæрæгбоны фæдыл Цæгат Ирыстоны цæрджытæн арфæ ракодта Сергей Меняйло. Сæргълæууæг куыд фæнысан кодта, афтæмæй уырнæг адæмæн ралæууыд уды фидардзинад æмæ сыгъдæгдзинад æвдисыны рæстæг. Рамаданы традицитæ амонынц нæ фарсмæ цы адæм ис, уыдонимæ зæрдæхæлар уæвын, æххуысцух чи у, уыдоны фарсмæ балæууын.
Алы хæдзары дæр фарн æмæ сабырдзинад уæд, загъта регионы размонæг. 30 боны дæргъы хурскастæй хурныгуыдмæ уырнæг адæм ком дардзысты. Архайдзысты хорз хъуыддæгты. Рамадан фæуыдзæн 9-æм апрельмæ Ураза-Байрам бæрæгбонæй.
