Республикæйы транспортон хæдзарады 5 «Hyundai» автобусы цалцæггонд æрцыдысты. Ахæм бардзырд къорд рæстæджы размæ радта Цæгат Ирыстоны промышленность æмæ транспорты министр Хайдарбек Бутов.
Автобустæ куыстой горæт æмæ республикæйы хъæуты `хсæн. Рæстæг сыл тых кæнын райдыдта, чысыл ма бахъæуа, æмæ искуы базгъæлæнтæ уыдаиккой. Ныр Лескен, Красногор, Сырх-Дыгур æмæ Дур-Дурмæ згъорынц ног цалцæггондæй. Аразджытæ сын баивтой сæ мидвæлыст, бандæттæ æмæ æндæр дзауматæ. Уæдæ се `ддаг бакаст дæр фæцис дзæвгар аивдæр. Кæддæры æмбыд æмæ згæхæрд фæрстæй ницыуал баззад. Мидæгæй ма автобусты бафидар кодтой æдасдзинады рæттæ æмæ дзы сæвæрдтой тахографтæ. Хайдарбек Бутов куыд фехъусын кодта, афтæмæй ма рæхджы хъуамæ сцалцæг кæной ноджыдæр 3 автобусы.
