Цæгат Ирыстоны равзæрстой Цæгат Кавказы федералон зылды хуыздæр æхстджыты. Уæлахиздзаутæ систы нӕ республикæйӕ æртæ минæвары æмæ рæстдзæвин Краснодарæй.
Ерысты архайдтой 60 адæймаджы. Сæ арæхстдзинад равдыстой æртæ хуызы хæцæнгарзæй. Цæгат Ирыстонмæ ссыдысты, канд Цæгат Кавказы республикæтæй нæ, фæлæ ма Уæрæсейы æндæр регионтæй æмæ Хуссар Ирыстонæй. Æрвылазон чемпионаты уæлахиздзаутæ сæхи фæлвардзысты æппæтуæрæсеон ерысты. Пандемийæйы аххосæй кæронбæттæн къæпхæн ацуæдзæн иннæ аз.
