Республикæ æмæ стратегион хъæппæристы Агентады æмгуыстады фарстатыл ныхас цыд сæрмагонд æмбырды. Амыдта йæ хицауады сæрдар Дзанайты Барис.
Инвестициты хъомыс, профессионалон ахуырады райрæзт, фæсивæдон, социалон амалхъомады рæзт æмæ технологон хъæппæристы фæдыл республикæ æмæ Агентад æмархайд кæнынц 2013 азæй фæстæмæ. Цæгат Ирыстоны бахастой проект «Смартек»-мæ. Уый у алы къабæзты хуыздæр практикæтæ ссарыны фæдыл сервис. Йæ фæрцы иуварсгонд æрцæуынц социалон-экономикон фарстатæ.
Уымæй уæлдай ма регион архайы проектон-ахуырадон интенсив «Архипелаг»-ы. Йæ сæйраг нысан – уæрæсейаг технологон амалхъомады æмæ ахуырады райрæзт, уыимæ ма фæсивæды æмæ бархионты программæтæн æххуыс. Дзанайты Барис бабар кодта, платформæ «Смартек»-ы хъæппæристы мониторинг саразын. Хуыздæр проекттæ республикæйы скусын кæнын. Уымæй уæлдай ма хъæуы бацæттæ кæнын «Сильные идеи для нового времени», зæгъгæ, æрвылазон форуммæ.
