Республикæ цæттæ кæны 3 ахсджиаг бæрæгбоны сбæрæг кæнынмæ. Ирыстон Уæрæсеимæ куы баиу, уæдæй 245 азы рацыд, автономийы 95 азы сæххæст æмæ Дзæуджыхъæуы 235-æм азы бон. Республикæйы районты цæуынц егъау цæттæгæнæн мадзæлттæ. Бацæттæ кодтой сæрмагонд программæтæ. Конкурстæ, чыныджы армукъатæ, хуызистыты равдыстытæ, спортивон ерыстæ. Дзæуджыхъæуы сараздзысты ирон чъириты фестиваль. Мадзал аразджытæ бацæттæ кодтой концертон программæ. Архайдзысты дзы æгас бæстæйыл зындгонд зарæггæнджытæ. Уымæй уæлдай ма горæты цæрджытæ æмæ уазджытæм æнхъæлмæ кæсы æфсæддон- спортивон бæрæгбон. Бацæттæ йæ кæндзæн 58 æфсад. Уазджытæ фендзысты æфсæддонты æвдисæн ахуыртæ. Уыимæ ма сæрмагонд техникæ æмæ хæцæнгарзы равдыстытæ.
Мæрзойты Руслан, Дзæуджыхъæуы администрацийы культурæйы управленийы разамонæг: «Спортивон фæзты сæвæрдзыстæм алыхуызон аттракционтæ. Дыууæ концертон фæзы бацæттæ кæндзыстæм. Æфсæддонты хъæппæрисæй азæлдзысты патриотон зарджытæ. Дыккаг концерт уыдзæн националон. Адæмыхæттыты зарджытæ æмæ кæфтытæ. Ацæудзысты Терчы былæн йæ алы рæтты, цæмæй адæм кæрæдзийы ма хъыгдарой. Æппæт фæзты дæр фаг уыдзæн бадæн бынæттæ адæмæн. Уазджыты удæнцойæн сараздзыстæм æппæт хъæугæ уавæртæ».
