Цæгат Ирыстон иу хатт чи фены, уый йæ æгæронæй бауарзы. Уый хорз зонынц туристтæ. Дисы сæ æфтауынц æрдзы хъæздыгдзинæдтæ æмæ цæрджыты хæлар ахастдзинад. Фæлæ цæмæй хæхтæ æмæ нæ республикæйы сусæгдзинæдтæ æххæстæй базонай, уый тыххæй хъæуы фæлтæрдджын гидты æххуыс æмæ кæй зæгъын æй хъæуы, æдас балцытæ.
Дзывгъисы фидар у Ирыстоны рагондæр æмæ цымыдисагдæр бынæттæй иу. Мæсгуыты комплекс æмæ хъахъхъæнæн объекттæ сæхимæ ‘лвасынц нæ бæстæйы алы къуымтæй туристты. Ам, къæдзæхты мидæг алы фæзилæны дæр банкъæрæн ис нæ рагфыдæлты истори. Уæвгæ, уазджыты зæрдæтæм бирæ бынæттæ цæуы. Се ‘хсæн нæлгоймæгты моладзандон дæр. Маршрут у хуымæтæг, фæлæ ирд æмæ цымыдисаг.
Туризм рæзы æнтысджынæй. Республикæйы уазджытæн аразынц æппæт уавæртæ дæр. Специалисттæ кæнынц ног балцвæдтæ. Ныр цы маршруттæ ис, уыдоныл дæр æппынæдзух кусынц æмæ сæ ноджы парахатдæр кæнынц.
Уæрæсейы æппæт регионтæй националон балцвæдтæ ис 44-ы. Ахæм ном райсæн ис экономикон райрæзты министрады сæрмагонд къамисы бардзырды фæстæ. “Ирыстон сси хæстæгдæр” проектыл бакусын æнцон хъуыддаг нæ уыд. Алы бынаты дæр хъуамæ уа æнтыстджын инфраструктурæ. Специалисттæ бакуыстой бæстонæй.
Æппæт домæнтæ æххæст кæнгæйæ, къамис снысан кæндзæн балцвæд æмæ йæ бахæсдзæн федералон æххуысы программæмæ. Бахæсдзысты дзы æппæт Цæгат Ирыстон. Уый та ууыл дзурæг у æмæ нæ чысыл республикæйы ацы къабаз дарддæр рæздзæн.
