РЦИ-Аланийы сӕргълӕууӕг Сергей Меняйлойы разамындæй уыд ӕрвылкъуырион аппаратон ӕмбырд

Республикӕйы сӕргълӕууӕг Сергей Меняйлойы разамындæй уыд ӕрвылкъуырион аппаратон ӕмбырд. Ӕрныхас кодтой ӕвзӕрстытӕм цӕттӕдзинадыл, артаджы уавӕрыл ӕмӕ хъармгӕнӕн афонмӕ мадзæлттыл. Хъӕлӕс кӕныны тыххӕй курдиӕттӕ исыны æмгъуыд фæвæййы абон. 16-æм сентябры бюллетентӕ ратдзысты участокты къамистӕм, 17-ӕмы ацӕудзӕн бӕрӕггӕнӕнтӕ дӕттыны иумæйаг системӕйы комплексон тестировани. Республикӕмӕ ссæудзысты фӕсарӕйнаг цӕстдарджытӕ Румынийæ, Сербийӕ, Словакийӕ ӕмӕ Бангладешӕй. Уыдон кусдзысты Ӕрӕфы, Горӕтгӕрон, Алагиры районты ӕмӕ Дзӕуджыхъӕуы. Уый тыххæй фехъусын кодта æвзарӕн къамисы сӕрдар Моргуаты Жаннӕ. Республикӕйы артаджы ӕвӕрӕнтӕ сты 2 166 тоннӕйы бензин ӕмӕ 2 170 тоннӕйы дизел. Фӕндагыл ма ис 4,5 мин тоннӕйы бӕрц артаг. Регионы сӕргълӕууӕджы амынддзинадмæ гӕсгӕ хицæн станцæтæ пропаны аргъ фӕкъаддӕр кодтой 39 сомы онг, бензины аргъ та — 97 сомы онг. Цæрæнуæтты-коммуналон хæдзарады объектты техникон цӕттӕдзинад у 96%. Республикӕйы ис 1 223 бирӕфатерон хӕдзары центрон хъармгæнæн системæимæ. Мин ныккӕнды бӕрц, куыд ӕмбӕлы, афтӕ конд сты, 774 хӕдзары та ныридӕгӕн хъармгӕнӕн афонмӕ ист ӕрцыдысты.