Республикæйы кæронмæ æрхæццæ Хуссар æмæ Цæгат Кавказы федералон зылдты турнир “Нарты тох”. Хъаматæй хæсты дыууæ бонмæ сæ арæхстдзинад равдыстой 50 чысыл спортсменæй фылдæр. Сты Дзæуджыхъæуы клубтæ “Аскалон”, “Арктика”, “Мечеморец” æмæ Сочийы президентон лицей “Сириус”-ы хъомылгæнинæгтæ. Æппæтæй кæстæр архайджытыл цæуы 4-гай азтæ, фæлæ сын ныридæгæн ис хорз бæрæггæнæнтæ.
Ерыстæ систы проект “Живая история”-йы кæронбæттæн. Йæ сæйраг хæс у нæ фыдæлты æфсæддон хæстыты тыххæй зонындзинæдтæ бахъахъхъæнын. Проекты автор Кобегкаты Хъазыбег рамбылдта Уæрæсейы фæсивæдон грант. Лæппутæн æмæ чызджытæн радзырдтой аланты æфсæддон кады тыххæй, сарæзтой сын дæсныйадæвдисæг ахуыртæ. Ацы спорты хуызы сабитæн цæфтæй тæссаг нæу. Рагон хæцæнгарзы бæсты пайда кæнынц æдас фæлмæн æрмæгæй конд хъаматæ æмæ уарттæй.
