Республикæйы театралон Цæдисы афæдзы куыстæн хатдзæгтæ скодтой. Радзырдтой, цы мадзæлттæ сарæзтой, уыдоны тыххæй. Хуыздæрты фæнысан кодтой Кады гæххæттытæй. Сæрмагонд лæвæрттæ радтой Цæдисы юбиляртæн. Мадзал ацыд кадджын уавæры сæрмагонд концертон программæимæ.
Театралон Цæдисы ис 300 минæварæй фылдæр. Се ‘хсæн профессионалон актертæ æмæ хихъæппæрисадон театрты архайджытæ. Цæдисы архайд здæхт у артисттæн æххуысмæ. Уыимæ ма кæнынц социалон куыст дæр.
