Æппæт коммуникацитæ баивтой æмæ сæхæдæг асфальт сног кодтой. Ныр ахæм фæткмæ гæсгæ кусдзæн республикон донцъирæн æмæ дондæттæн куыстуат. Æвæстиатæй ма-иу банывыл кæндзысты, цы бынæтты цалцæг кодтой, уыдон дæр. Уый тыххæй сарæзтой сæрмагонд службæ.
Ног дæлхайад ныридæгæн сифтонг кодтой æппæт техникæ æмæ кусæнгæрзтæй. Специалистты штат дæр цæттæ у. Ныртæккæ бригад кусы Терчы былгæрæтты. Æнæ подрядон организацийы архайдæй. Цалцæггæнæн куыстытæ-иу слæуыдзысты асламдæр, фæлæ хæрзхъæддзинад нæ фæцуддзæн, фæнысан кодта куыстуаты разамонæг Хъараты Тимур.
