Бæрæгбонмæ цæттæ кæнæн мадзæлттыл дзырдтой тыбыл стъолыл æмбырды. Мадзалы архайдтой республикæйы культурæйы министрады минæвæрттæ, ахуыргæндтæ, фысджытæ. Фембæлд сарæзтой Цæгат Ирыстоны фысджыты цæдисы хъæппæрисæй. Мадзалмæ саккаг кодтой Стъараполы край, Мæхъæл æмæ Кæсæг-Балхъары фысджыты цæдисы уæнгтæ дæр.
Мадзалы райдиан бакастысты нæ республикæйы сæргълæууæг Битарты Вячсеславы арфæйы фыстæг. Æмбырды уæлдай æргом аздæхтой 245 азы размæ цаутæ ирон адæмы истори æмæ литературæйы цы ивддзинæдтæ æрхаста уый тыххæй. Бæрæгбоны кадæн республикæйы сараздзысты алыхуызон мадзæлттæ. Се хсæн равдыстытæ, концертон программæтæ æмæ æндæртæ.
Абон нæ студимæ æрбахуыдтам Уæрæсейы фысджыты Цæдисы уæнг, зындгонд прозаик æмæ публицист, Цæгат Ирыстоны адæмон фыссæг Агънаты Гæстæн. Гæстæн, дæ изæр хорз.
