Сергей Меняйло фембæлд республикæйы цæрджытимæ. Беслæнæй сæрмагонд æфсæддон операцийы архайæг республикæйы разамонæгмæ фæсидт æхсæндон фарстаимæ – горæты уынгтæй иуы асфальт сæвæрын. Æрæджы микрорайоны байгом ног скъола æмæ сывæллæтты рæвдауæндон, уымæ гæсгæ цæрджытæн ахсджиаг у, цæмæй фæрсаг уынгтæ дæр аивгонд æрцæуой. Сергей Меняйло бынаты Рахизфарсы районы администрацийы сæргълæууæг Мырыкаты Хъазыбегæн бахæс кодта хæстæгдæр рæстæг куыстытæ сæххæст кæнынæн гæнæнтæ ссарын.
Регионы сæргълæууæгмæ хи фарстатимæ æрбацыдысты æфсæддонты бинонтæ. Сергей Меняйло алы курдиаты фæдыл радта æмбæлгæ амынддзинæдтæ сæ аиуварс кæныны фæдыл.
