Тӕдзгӕ уӕлхӕдзар, згъӕлгӕ цар ӕмӕ кӕлӕддзаг мебель. Мӕздӕджы библиотекæйы удæнцойæ чиныг бакæсынæн уавæртæ нæ уыд. Бæстыхайы сæр хи хъарутæй хъуыд цалцæг кæнын, фӕлӕ уый дæр бирӕйы фаг нæ кодта.
Фарон чиныгдоныл сӕххӕст 120 азы. Ныртӕккӕ фонды ис 28 мин чиныджы, се ‘хсæн стӕм экземпляртӕ дӕр. Куыстытӕ райдыдтой апрелы — 4 мӕймӕ аразджытӕн бантыст, зӕгъӕн ис, ӕмӕ алцыдӕр сног кӕнын — бауагътой ног коммуникацитӕ, баивтой уӕлхӕдзар ӕмӕ сног кодтой интерьер. Цалцӕг нæма фӕци, фӕлӕ ам ног агъуыстытӕн ныридӕгӕн стыр пълантӕ аразынц.
Æрмæст чиныг бакæсынмæ нӕ, фӕлӕ ӕмдзӕвгӕтӕ, прозӕ ӕмӕ зарджытӕм байхъусынмӕ дӕр ӕрбацӕуын — ам ахӕм гæнæн никуы уыд. Уазæгуаты хонынмӕ хъавынц бынӕттон фысджыты ӕмӕ поэтты. Литературон изӕртӕ ахӕм уавӕрты кæнын уæлдай æхсызгон у. Фӕлӕ бæстыхайы æнæ ивдæй цы ныууагътой, ахæм дзауматæ дæр ис.
Афӕдз 2 мин адӕймагӕй фылдӕр — чиныгкæсджытæ кусæндоны байгом кӕнынмӕ æхсызгонæй ӕнхъӕлмӕ кӕсынц, ахæм егъау рацарæзты тыххæй, цæттæ сты банхъæлмæ кæсынмæ дæр. Уыимæ мæ ам цалцæггæнæн куыстытæ нæ уыд 40 азы — библиотекӕ ацы агъуысты куы æрбынат кодта, уæдæй нырмæ.
Ныртӕккӕ рацарæзт дарддӕр цӕуы, фæткмæ гӕсгӕ хъуамӕ фæуой декабры, фӕлӕ, куыстытæ æххæстгæнæджы ныхӕстӕм гӕсгӕ, цалцӕг кӕронмӕ ахӕццӕ кӕнын аразджытӕн сӕ бон у сентябры.
