Рæсугъд пейзажтæ, хæхты цъуппытæ æмæ æрфæны фæд. Зынгонд ирыстойнаг астрофотограф, альпинист Сæбанты Валерийы куыстытæ равæрдтой æппæтадæмон фестивалы «Звёзды над Донбассом», зӕгъгӕ. Донецкы паддзахадон академион филармонийы концертон залы мадзал цæуы æртыккаг хатт. Æвирхъау мард чи акодта, уыцы хуызисæджы куыстытæ равдыстмæ бацæттæ кодта Тебиаты Златæ.
Æдæппæтæй фестивалы архайы 130 адæймаджы Уæрæсе, Белорусси, Израиль æмæ Луганскы адæмон республикæйæ. Мадзалы фæлгæты арæзт уыдзысты фембæлдтытæ фысджытимæ, уыимæ цалдæр мыхуыры презентацитæ. Се ‘хсæн ирон фыссæг Пагæты Асланы чиныг дӕр.
