Сæкæрнизы фæстиуджытыл æмæ дзæбæх кæныныл ныхас цыд сæрмагонд æмбырды

Сæкæрнизы фæстиуджытыл æмæ дзæбæх кæныныл ныхас цыд сæрмагонд æмбырды. Мæскуыйы раззагдæр специалисттæ лекцийы фæлгæты Цæгат Кавказы федералон зылды регионты специалисттæн фæхай кодтой сæ фæлтæрддзинадæй къæхты критикон ишеми дзæбæх кæныны фæдыл. Ампутациты сæйраг аххосаг – “синдром диабетической стопы” кæй хонынц, уый. Мадзалы архайдтой хирургтæ, эндокринологтæ, кардиологтæ. Ацы низ у тынг парахат. Уæлдайдæр та коронавирусы фæстæ. Дзæбæхгæнæн мадзæлттæ канд операцитæ не сты. Лæмбынæгæй кæсын хъæуы хъæдгæмтты уавæрмæ дæр. Раззагдæр фармацевтон компанитæ равдыстой алыхуызон дзæбæхгæнæн æрмæджытæ: хостæ, антисептиктæ, инструменттæ æмæ æндæртæ. Уыдонæй раст спайда кæнгæйæ арæх пациентæн йæ къах лыг кæнын нæ бахъæуы. Федералон программæ “Сæкæрниз”-ы ‘руаджы медицинон æркаст æцæуын æмæ низ парахат кæнын ма бауадзæн ис алы медицинон кусæндоны дæр.