Сæрмагонд æфсæддон операцийы архайджытæ æмæ сæ бинонтæн Цæгат Ирыстоны скуыста федералон проект “СВОй бизнес”

Цæгат Ирыстон сси цыппар пилотон регионтæй иу, кæцыйы скуыста федералон проект “СВОй бизнес”. Сæрмагонд æфсæддон операцийы архайджытæ æмæ сæ бинонтæн баххуыс кæндзысты сæ хъомыс раргом кæнынæн, хи хъуыддаг байгом кæнынæн æмæ хи фæрæзтæ исынæн. Уникалон ахуырадон модул скусын кодта парти “Иугонд Уæрæсе” иумæ чысыл æмæ астæуккаг амалхъомады райрæзты Федералон корпораци æмæ æхсæнадон организаци “Опора России”-имæ. Курс ахæсдзæн фондз боны. Йæ архайджытæ базондзысты хи хъуыддаг байгом кæнгæйæ юридикон æмæ финансон аспекты тыххæй. Бабæрæг кæндзысты раззагдæр компанитæ. Консультацитæ сын скæндзысты бæстæйы æмæ республикæйы хуыздæр специалисттæ. Архайынц 18 адæймаджы, сæ фылдæр сты сылгоймæгтæ, бæлвырддæр дзургæйæ нæ æфсæддонты бинойнæгтæ. Афæдзмæ æгас бæстæйы равзардзысты 500 адæймаджы. Федералон проект “СВОй бизнес” хъуамæ æфсæддонтæн хуымæтæг царды суа æххуысы фæрæз.