Сæрмагонд æфсæддон операцимæ кæмæ фæсидтысты, уыдоны æфтиæгтæ хыгъды нал уыдзысты сывæллæттæн фиддонтæ нысан кæнгæйæ. Ахæм уынаффæ рахаста бæстæйы хицауад.
Афтæ ма хыгъды нал уыдзæн, сиддон æфтиæгтæ цы `мгъуыды нæ иса йе `ххуысцух уавæр иртасыны рæстæг, уый дæр. Æнæмæнг ын уæддæр сывæллонæн хъуамæ паддзахад фида. Уæ зæрдыл уын æрлæууын кæндзыстæм, æххуысцухы уавæр иртасыны домæнтæ снысан кæнынц сывæллæттæн фидыны размæ, йæ цотыл 8-æй 17 азы онг кæуыл цæуы, ахæм ныййарджытæн, стæй æнхъæлцау сылгоймæгтæн. Уыцы паддзахадон фиддонæн сæ бон сæ зæрдæ дарын у, йæ рæстæмбис æфтиæгтæ иу адæймаджы цæрынæн æппынкъаддæр бæрцæй ныллæгдæр кæмæн сты, ахæм бинонтæн. Æрмæст ныййарджытæ хъуамæ бавдисой куысты мызды бæрцы тыххæй гæххæттытæ, кæнæ та сын мызд цæуылнæ ис, ахæмтæ. Уæдæ сæ исбон дæр хъуамæ дзуапп дæтта бæрæг домæнтæн. Сывæллоны фыдмæ сæрмагонд хæстон операцимæ куы фæсидой, уæд ын йæ ивгъуыды æфтиæгтæ нал нымайдзысты. Уыцы æфтиæгтæм хауынц куысты мызд, премитæ, амалхъомадæй пайда æмæ æндæртæ. Раздæр мобилизацигонд адæймаг æфтиагцух кæй уыд æмæ йын фиддон кæй не снысан кодтой, уыцы домæн дæр йæ тыхы нал ис. Ныр йæ цардæмбалæн ногæй йæ бон у æмбæлгæ курдиат бадæттын Пенсион фондмæ.
