Мариинаг театры сфæлдыстадон разамонæг Гергиты Валерийы схорзæхджын кодтой Хуссар Ирыстоны кады орден æмæ «Ирыстоны фыццаг минæварад Уæрæсейы 270-æй азы» зæрдылдарæн хæрзиуæгæй. Балæвар сæ кодта Хуссар Ирыстоны президент Бибылты Анатолий. Уæлдай бузныг ын загъта 2008-æм азы Цхинвалы концерты тыххæй.
Мультимедион парчы ма байгом Уæрæсе æмæ Ирыстоны бастдзинады тыххæй сæрмагонд равдыст. Уазджытæн фадат уыдзæн ирон нывгæнджыты куыстытæ фенынæн. Ацы аз ма иумæйаг историйы бæрæг кæнынц иу ахсджиаг мадзал. Ирон литературæйы бындурæвæрæг, драматург Хетæгкаты Къостайы райгуырды 160 азы. Поэт бирæ рæстæг ахуыр кодта æмæ куыста Санкт-Петербургы. Экспонатты `хсæн фенæн ис Цæгат æмæ Хуссар Ирыстоны национ музейты ахсджиаг гæххæтытæ. Се ’хсæн археологтæ цы хæзнатæ ссардтой, уыдон дæр. Республикæты къуыри Петербургы ахæсдзæн 25-æм октябрьмæ.
