Хицауады сæрдар Тускъаты Таймураз радон хатт бæрæг кæны республикæйы социалон нысаниуæг кæмæн ис, уыцы объекттæ. Фыццаджыдæр федта Национ музейы арæзтадон куыстытæ куыд æххæстгонд цæуынц, уый. Ныртæккæ уым аразынц музейы уæлæмхасæн корпус. Иннæ бæстыхæйттæ хъæугæ кусæнгæрзтæй ифтонггонд цæуынц.
Тускъаты Таймураз ма федта Дзæуджыхъæуы 18-æм, 19-æм æмæ 32-æм микрорайонты цы ног скъолатæ аразынц, уыдон. 32-микрорайоны арæзтадон куыстытæ нырма ныр райдыдтой. Ныртæккæ сæрмагонд фæз цæттæ кæнынц арæзтадмæ. Æдæппæтæй объект апарахат уыдзæн 2 гектарыл. Ахуыргæнæндоны бынат уыдзæн 500 скъоладзауæн. Ахæм скъола ма аразынц 18-æм микрорайоны дæр. Объект арæзт фæуыдзысты афæдзы кæронмæ.
19-æм микрарайоны цы ног скъола фæзынд, уым та цæууынц мидæггаг куыстытæ. Бынат дзы уыдзæн 1100 сывæллонæн. Дарддæр Республикæйы хицауады сæрдар бабæрæг кодта Уналы æмæ Фыййагдоны хауæтдзæгтæ æмбырдгæнæны рекультиваци. Национ проекты фæлгæты куыстытæ фæуыдзысты афæдзы кæронмæ.
