Амалхъом адæмæн се `фтиаджы хъалоны ныхмæ инвестицион рацух чи дæтты, уыцы регионтæн дарддæр дæр æххуыс кæндзысты сæ хæрдзтæ баххæст кæнынæн. Иу компанийæн – 200 милуан сомы онг. Ахæм уынаффæйы тыххæй бæстæйы хицауады сæрдар Михаил Мишустин фехъусын кодта вице-премьертимæ æмбырды.
Уыцы фæтк паддзахады фарон дæр уыдис, ныр дзы регионтæн сæ бон спайда кæнын уыдзæн ацы, уыимæ иннæ азты дæр. Уый тыххæй 1-æм декабрмæ сфидар кæнын хъæуы регионалон инвестицион хуызæгæй пайда кæныны фæтк.
Бафтаудзыстæм ма уый, æмæ инвестицион рацух амалхъом адæмы хъæуы сæ куыст фæбæрзонддæр кæныны тыххæй. Хицауады сæрдар куыд загъта, афтæмæй мадзалы фæрцы инвестортæн сæ бон уыдзæн æфтиаджы хъалоны бæрцыл æрхæцын, сæ продукцийы аргъ фæныллæгдæр кæнын æмæ йæ, кæй зæгъын æй хъæуы, рæвдздæр базарадмæ рауадзын. Ахсджиаг у, рацухыл чи дзуры, уыцы компани хъуамæ баст ма уа хъæзтыты амалхъомадимæ, æрдзон æвæрæнты куыстимæ, финансон кæнæ фæдзæхстон архайдимæ.
