Цæгат Ирыстоны артаджы уавæр зæрдæхсаинаг нал у, æргътæм дæр дарддæр цæуы цæстдард. Аппаратон æмбырды Сергей Меняйло бабар кодта, аргътыл кæм схæцыдысты, ахæм цаутæ ма руадзын. Хи артаджы станцæты 10% фылдæр хъуамæ ма æфтауой. Дефицит регионы нæй: Дзæуджыхъæуы станцæйы ис 5 вагоны банзин, 3 вагоны та дизель, ноджы ма 8 ис Беслæны. Уыимæ ма зæгъын хъæуы, æмæ республикæмæ фæндагыл сты 1000 тоннæйы нефты продукттæ. Рад айсыны тыххæй ма республикæй бафысдзæн бадзырд æмæ артаг исын райдайдзæн 8 уæлæмхасæн станцæйæ.
Аппаратон æмбырды ма æрдзырдтой ахуырады къабазы фарстатыл. Уæлдæр ахуыргæнæндæттæм балæвæрдтой 25 мин курдиаты, техникумтæ æмæ колледжтæм 4 минæй фылдæр. Уыимæ ма Цæгат Ирыстон курдиат балæвæрдта Уæрæсейы рухстауыны министрадмæ 24 ахуыргæнæндоны бындурон цалцæджы фæдыл. Хъæугæ фæрæзты бæрц – 2 миллиарды æмæ 600 милуан сомы.
