Сергей Меняйло амыдта ӕрвылкъуырион аппаратон ӕмбырд

7,5 мин ахуырдзауӕй фылдӕр архайынц уалдзыгон дзӕбӕхгӕнӕн кампанийы. Куыст арӕзт у “Кванториумтӕ” ӕмӕ культурӕйы кусӕндӕттимӕ иумӕ, цӕмӕй фӕсивӕдӕн цымыдисаг уа каникултӕ ӕрвитын. 24 скъолайы райдыдта бындурон цалцӕг. Рахай сын кодтой 1 млрд 300 млн сомы. Ног ахуыры азы райдайӕнмӕ куыстытӕ фӕуыдзысты. Дзырдтой эпидемион уавӕрыл дӕр, республикæйы нæ февзæрдæр. Карантины ӕхгӕд скъолатӕ ӕмӕ рӕвдауӕндӕттӕ нӕй. Регистрацигонд ӕрцыд COVID-ы 3 ног цауы. Роспотребнадзор куыд хъусын кæны, афтæмæй æрхæстæг кæны джыбытæй тæссаг афон дæр. Аппаратон ӕмбырды сӕйраг фарста — тӕрккъӕвдайы фӕстиуджытӕ аиуварс кӕнын. 28 мартъийы фехæлдта Октябрьскӕ ӕмӕ Тарскӕйы ‘хсӕн фӕндаджы уæлцъары 70 метры. Хъыгдард ма баййæфта Тедеты Павелы уынгыл хид. 29 мартъийы сарæзтой оперативон штаб. Бынатмæ арвыстой техникӕйы 9 иуӕджы, фæндаггон змӕлд сног кодтой. Æмбырды архайдта сӕргълӕууӕджы ног уынаффӕгӕнӕг дæр.