Уæрæсейы хицауады вице-премьер Александр Новак амыдта Æппæтадæмон равдыст-форум “Уæрæсе”-мæ Цæгат Кавказы федералон зылды регионты экспозицитæ цæттæ кæныны фæдыл æмбырд.
Видеобастдзинады рауджы æмбырды архайдта республикæйы сæргълæууæг Сергей Меняйло. Бæстæйæн алы къабæзты цы æнтыстдзинæдтæ ис, уый равдисын бабар кодта президент Владимир Путин. Фæсивæд хъуамæ сæрыстыр уой сæ райгуырæн зæххæй, ног æмæ фылдæр бæрзæндтæм тырной. Цæгат Ирыстоны экспозици, зæгъæн ис, æмæ цæттæ у.
Сергей Меняйло куыд фæбæрæг кодта, афтæмæй стенды сæйраг хъуыды у – ирд, фæлæ æнцонæмбарæн хуызы равдисын республикæйы культурæ, æгъдæуттæ æмæ экономикон гæнæнтæ.
