Сергей Меняйло фембæлд парламенты сæрдар Тускъаты Таймуразимæ. Арфæ йын ракодта йæ ног куысты бынаты фæдыл. Йæ зæрдæ йын загъта æнтыстджынæй ног хæстæ æххæст кæнын.
Бæрнон кусджытæ дзырдтой хицауады æххæстгæнæн æмæ закъонадон къабæзты архайдыл. Регионы рæзтæн депутатты корпус хъуамæ сæххæст кæна размæвæрд хæслæвæрдтæ. Ныфс мæ ис, чи сыл хъæлæс кодта, уыдонæн зæрдæхудты кæй нæ бацæудзысты — фæнысан кодта Сергей Меняйло. Фидæны азмæ бюджет сбæлвырд кæнын æмæ социалон лæггæдты хæрзхъæддзинад фæхуыздæр кæнын Тускъаты Таймураз нымайы фыццаградон нысантыл.