Сергей Меняйло фембæлд Уæрæсейы уголовон æххæстгæнæг федералон системæйы минæвæрттимæ. Пълан аразынад æмæ организацион-аналитикон ифтонгдзинады управленийы Уголовон-æххæстгæнæг системæйы сæйраг инспекцийы уголовон-æххæстгæнæг системæйы сæйраг инспектор Сергей Панфилов æмæ регионалон уголовон æххæстгæнæг системæйы управленийы разамонæг Константин Шулаковимæ æрдзырдта хицауады оргæнтæ æмæ пенитенциарон службæйы дарддæры æмархайдыл регионы цалдæр здæхтмæ гæсгæ. Бæлвырддæр, ахæстонæй суæгъд уæвыны фæстæ социалон адаптаци æмæ куыстифтонгдзинадыл, рæстмæгæнæн центрты хызы рæзтыл æмæ æнæбары куыст кæмæн снысан кодтой, уыцы азымджынты фæллойадон бынæтты фæфылдæр кæныныл.
Сергей Меняйло фæнысан кодта иумæйаг архайды хорз бæрæггæнæнтæ регионалон уголовон æххæстгæнæг системæйы управленийы кондадон здæхты рæзты. Цæгат Ирыстоны кусы Уæрæсейы Уголовон æххæстгæнæг федералон системæйы инспекторон къамис Сергей Панфиловы разамындæй. Йæ ныхасмæ гæсгæ, регионы рæстмæгæнæн бынæтты ис, Цæгат Ирыстоны бынæттон хиуынаффæйады оргæнтæ æмæ паддзахадон хицауадæн товартæ æмæ лæггæдтæ кæнынæн спайдагæнæн цæмæй ис, ахæм бæрзонд кондадон хъомыс. Константин Шулаков радзырда республикæйы хицауад æмæ профилон управленийы ‘хсæн бадзырды фæлгæты ведомствæйы бæрны кусæндæтты кондад фæфылдæр кæныны тыххæй ныртæккæ цы архайд цæуы, уый тыххæй.
