Зындгонд археолог æмæ ахуыргонд, историон наукæты доктор Владимир Кузнецовыл сæххæст 95 азы. Уый фæдыл ын раарфæ кодта республикæйы сæргълæууæг Сергей Меняйло. Фембæлд ацыд Цæгат Ирыстоны социалон æмæ гуманитарон иртæстыты институты. Фыццаджыдæр, номдзыд историкæн республикæйы сæргълæууæг ракодта æнæниздзинады арфæтæ. Бузныг ын загъта йæ хъæздыг зонындзинæдты тыххæй.
Уæвгæ, Сергей Кузнецов у Аланийы историйы раззагдæр специалисттæй иу. Бирæ азты дæргъы архайдта археологон къæхтыты æгас Цæгат Кавказы. Йæ куысты хатдзæгтæ фыст сты бирæ чингуытæ æмæ монографиты. Фарон Цæгат Ирыстоны уыд ахуыргонды наукон-публицистон куысты презентаци «Кто мы? Осетины – Аланы Кавказа» – рагон Аланийы истори иртасыны куысты йæ наукон архайды хатдзæг.
Ивгъуыд азы апрелы та Владимир Кузнецовæн балæвар кодтой «Цæгат Ирыстоны кадджын гражданин»-ы ном историон æмæ культурон хæзнатæ иртасыны æмæ хъахъхъæныны куыстмæ стыр æвæрæн кæй бахаста, уый тыххæй. Владимир Кузнецов бузныг загъта республикæйы сæргълæууæг Сергей Меняйлойæн, стæй фæнысан кодта, цæттæ кæй у ног хъуыдытæ æмæ проекттæ æххæс кæнынмæ.
