Сергей Меняйло раарфӕ кодта Цӕгат Ирыстоны хъӕууон хӕдзарады ӕмӕ фӕлхасадон промышленносты кусджытӕн сӕ профессионалон бӕрӕгбоны фӕдыл. Регионы разамонæг куыд фæнысан кодта, афтæмæй агропромышленнон комплекс ахсджиаг бынат ахсы республикæйы экономикæйы. Афæдзæй-афæдзмæ рæзы фермерон хæдзарæдты нымæц, уӕрӕхдӕр кӕнынц сӕ хъомыс, рӕзы сӕ продукцийы гуырахст. “Дарддӕр дӕр лæууæм нæ аграриты фарсмæ, сӕ хъуыддаг рӕзын кӕнынӕн сын кæнæм паддзахадон ӕххуыс. Уый тыххæй снысан кодтам алыхуызон мадзӕлттæ. Фӕлӕ ӕппӕт ӕнтыстытдзинæдтæ къухы фтынц адæмы фæрцы. Быдырты ӕмӕ дыргъдӕтты чи кусы, цӕрӕгойтӕм чи зилы, тыллӕг чи ӕрзайын кӕны ӕмӕ, алы бон дӕр нӕ фынгтыл цы хӕринӕгтӕ фӕзыны, уыдон чи цæттæ кæны, уыдон. Уый ӕнцон куыст нӕу, домы сӕрмагонд арӕхстдзинад, фӕразондзинад ӕмӕ ӕцӕг уарзондзинад йӕ хъуыддагмӕ”,— ныффыста республикӕйы сӕргълӕууӕг йӕ социалон хызты.
