Сергей Меняйло радта Лӕгдзинады ордентӕ, сæрмагонд операцийы чи фӕмард, уыцы ӕфсӕддонты бинонтӕн

19.05.2026 20:06

Уӕрӕсейы Президенты указмӕ гӕсгӕ хæстонтӕ хорзӕхджын ӕрцыдысты сæ амæлæты фæстæ. Регионы разамонӕг тӕфӕрфӕс ракодта хиуӕттӕн, бузныг сын загъта ӕцӕг хъайтарты кæй схъомыл кодтой, уый тыххæй.

Цӕгат Ирыстоны сӕргълӕууӕг Сергей Меняйло радта Лӕгдзинады ордентӕ, сæрмагонд операцийы чи фӕмард, уыцы ӕфсӕддонты бинонтӕн. Уӕрӕсейы Президенты указмӕ гӕсгӕ хæстонтӕ хорзӕхджын ӕрцыдысты сæ амæлæты фæстæ. Регионы разамонӕг тӕфӕрфӕс ракодта хиуӕттӕн, бузныг сын загъта ӕцӕг хъайтарты кæй схъомыл кодтой, уый тыххæй. Бафиппайдта, сӕ нӕмттӕ историйы мыггагмӕ кӕй баззайдзысты. Сергей Меняйло фидарӕй загъта, алы ӕфсӕддоны ном дӕр сӕнусон уыдзӕн, республикӕйы разамынд та бинонтӕн алывæрсыг хъӕугӕ ӕххуыс дӕр бакӕндзӕн, федералон ӕмӕ регионалон мадзӕлттӕй æддейы. Бынаты фарстатӕ аиуварс кӕныны тыххӕй фембӕлд ацыд регионы ӕфсӕддон комиссар Владимир Скоморох, фӕллойы министры хӕдивӕг Маматы Анджелæ ӕмӕ “Фыдыбӕстӕ хъахъхъӕнджыты” фонды филиалы разамонӕг Хетӕгкаты Маринӕйы архайдӕй.

Предыдущий материал

Цæгат Ирыстоны ацыд стратегион сесси туризмы райрæзты фæдыл

Следующий материал

Дзӕуджыхъӕуы байгом кӕндзысты лӕвар дугъон центр спорт уарзджытӕн

Читайте также

Все новости