Сергей Меняйло видеобастдзинады фæрцы æрдзырдта нæ республикæ æмæ китайаг провинци Фуцзянимæ æмгуыстадыл

7.08.2024 19:15

Китайы ‘рдыгæй æмбырды архайдтой инвестициты дунейы æмвæзады специалист Шарбель Халил Надер æмæ провинци Фуцзяны экономикон рæзты хицауады минæвар Рен Инь.

Цæгат Ирыстоны сæргълæууæг Сергей Меняйло видеобастдзинады фæрцы æрдзырдта нæ республикæ æмæ китайаг провинци Фуцзянимæ æмгуыстадыл. Китайы ‘рдыгæй æмбырды архайдтой инвестициты дунейы æмвæзады специалист Шарбель Халил Надер æмæ провинци Фуцзяны экономикон рæзты хицауады минæвар Рен Инь. Мадзал амыдта проекты автор Гусаты Иринæ. Йæ архайджытæ сбæрæг кодтой æмгуыстад хуыздæр цы къабæзты рæздзæн, уыдон. Се ‘хсæн æнæниздзинад хъахъхъæнынад, ахуырад, промышленнон кондад, хъæууон хæдзарард, культурæ, спорт æмæ туристон къабæзтæ. Сергей Меняйлойы ныхæстæм гæсгæ, уый фæпайда уыдзæн дыууæ регионæн дæр. Республикæйы сæргълæууæг рахаста хъæппæрис, китайаг специалисттимæ иумæ экономикон рæзт, базарадон æмæ культурон бастдзинæдтæ сфидар кæныны пъланыл бакусын. Ахуырады къабазы та æмбырды архайджытæ сфæнд кодтой дыууæ бæстæйаг дипломы программæ скусын кæнын.

Предыдущий материал

«Урсдон»-ы пансионаты кæронмæ фæхæццæ кæны студентон сæрдыгон æмбырд “Æрыгон”-ы дыккаг бон

Следующий материал

Мæздæджы районы дарддæр æххæст кæнынц æнæнхъæлæджы цауы фæтк