«Урсдон»-ы пансионаты кæронмæ фæхæццæ кæны студентон сæрдыгон æмбырд “Æрыгон”-ы дыккаг бон. Абон йæ архайджытимæ фембæлд республикæйы сæргълæууæг Сергей Меняйло.
Регионы разамонæг фæсивæды фæрстытæн радта дзуæппытæ, фæхай сын кодта йæ фæлтæрддзинадæй. Æрыгон адæмы цымыдис кодта республикæйы сæргълæууæджы политикон карьерæ, æфсæддон-денджызон æфсады службæ æмæ бæстæйы алы институтты чи ахуыр кæны, уыцы студенттæн æххуысы гæнæнтæ. Мæскуыйы адæмты ‘хсæн ахастдзинæдты институты студенттæ Сергей Меняйлойæн радзырдтой Цæгат Ирыстонмæ сæ ссæуын кæй фæнды, бабæрæг кæнын æфсæддон цыртдзæвæнтæ. Республикæйы сæргълæууæг фæсивæдæн ныфс бавæрдта, сæ фарсмæ кæй балæудзæн, уымæй.
Студентон æмбырды программæйы ма уыд бæстæйы раззагдæр уæлдæр ахуыргæнæндæтты наукон кусджыты лæекцитæ, уыимæ ма тренингтæ æмæ дæсныйад æвдисæн ахуыртæ. Мадзал ахæсдзæн 9-æм августмæ. Æдæппæтæй сæмбырд кодта 170 адæймагæй фылдæр.
