Æрвылаз, 9-æм декабры Уæрæсейы бæрæг кæнынц Фыдыбæстæйы Хъæбатырты бон. Кадджын бæрæгбоны фæдыл арфæйы ныхæстæ загъта республикæйы сæргълæууæг Сергей Меняйло. Куыд фæнысан кодта, афтæмæй сæрæстыр у, Хъæбатыры ном хæссæг адæмæй бирæтимæ зонгæ кæй у.
«Уыдысты мын ахуыргæнджытæ, ӕмӕ нын разамынд лӕвӕрдтой службӕйы рӕстӕг. Зæрдæбынæй арфæ кæнын æппæт Хъæбатыртæн! Сымахæй сæрыстыр у нæ номдзыд бæстæ! Хъæбатыры ном йæ мæлæты фæстæ кӕуыл баззад, уыдон дæр рох макуы уæнт… Ацы бон мæ бузныджы ныхæстæ зæгъын фæнды нæ Фыдыбæстæйы Стыр хæсты зынаргъ ветерантæн дæр. Сымах æцæг Хъæбатыртæ стут махæн! Уе сгуыхтдзинад æнустæм уыдзæн Райгуырæн бæстæмæ уарзондзинады дæнцæг! Уæдæ сæрмагонд æфсæддон операци кæм цæуы, уым дæр абон нæ фæсивæд стыр лæгдзинад æвдисынц. Сæ æфсæддон хæстæ æххæст кæнынц кадимæ. Уыдонæй бирæтæ хорзæхгонд æрцыдысты Уæрæсейы Хъæбатыры кадджын номæй! Фæсивæд, мах иууылдæр нæ сæр бæрзæндты хæссæм сымахæй! Бæрæгбоны хорзæх уæд æппæт Хъæбатырты дæр!» – загъта Сергей Меняйло.
