Æвзæр боныхъæды аххосæй райсомы 11 сахатыл Арвыкомы фæндаг уæззау хæдтулгæтæн сæхгæдтой æмæ республикæйы снысан кодтой æнæнхъæлæджы уавæры фæтк. Ацы уынаффæ фехъусын кæнынæй сæргълæууæг Сергей Меняйло райдыдта аппаратон æмбырд.
Транзитон транспорты æрлæууæн бынæттæ куы байдзаг уой, уæд æй регионмæ нал уадздзысты. Вице-премьер Томайты Ирбег куыд загъта, афтæмæй ныртæккæ фæндæгты был лæууы 920 уæзласæн хæдтулгæйы, 800 сæ — электронон рады. Ивгъуыд къуыри Гуырдзыстоны ‘рдæм ацыд 19,5 машинæйæ фылдæр. Ныхас цыд эпидемиологон уавæрыл дæр. Карантины сæхгæдтой 10 скъола æмæ 24 рæвдауæндоны. Коронавирус рабæрæг 10 адæймагмæ. Æрдзырдтой дондзæуæнтæ сног кæныныл дæр. Дзуапдæттæг куыстуаты разамонæг Хъараты Тимур фехъусын кодта, кæй сарæзтой доны хæдзарады интерактивон картæ. Документмæ хаст æрцыд бæлвырд информаци системæйы уавæр æмæ рацарæзтæн хъæугæ хæрдзты гуырахсты тыххæй.
