Сергей Меняйлойы разамындӕй уыд ӕрвылкъуырион аппаратон ӕмбырд

2 мин 600 тоннæйы бензин æмæ мин ӕмӕ ӕрдӕджы бӕрц дизел ис Цæгат Ирыстоны æвæрæнты. Ноджы ма 1 мин 620 тоннӕйы бензин ӕмӕ 3 мин 180 тоннӕйы дизел æрбаласынмӕ хъавынц хæстæгдæр рæстæг. Уый тыххæй фехъусын кодтой аппаратон æмбырды. Специалистты ныхӕстӕм гӕсгӕ, программӕ “Свой регион”-ы парахаты фæрцы 92-æм бензины аргъ регионы иннӕ субъекттӕй 25% ныллæгдæр у. Сергей Меняйло бахæс кодта рад фӕкъаддӕр кӕнын. Уый тыххӕй артаг ногӕй байуарын хъӕуы районы 8 æнцойгæнæн пункттæй Дзӕуджыхъӕуы артаджы станцæтыл. Ӕрныхас кодтой ӕндӕр темӕтыл дӕр. Бӕрӕгбоны линейкӕтӕ скъолаты ӕмӕ колледжты ацыдысты ӕнӕ фыдбылызтӕй. 8 мин фыццагкъласонӕй фылдӕр республикӕйы сӕргълӕууӕгӕй райстой лæвæрттæ. Ног ахуыры азы байгом кодтой 833 профилон ӕмӕ профессионалон къласы. Уыдонимӕ 124 инженерон, 22 медицинон, 31 педагогон, 40 аграрон ӕмӕ 71 кадетон къласы. Ныхас цыд эпидемиологон уавӕрыл дӕр. Уый раздæрау у сабыр. Сергей Меняйло бабар кодта сезоны низтимӕ баст бӕрӕггӕнӕнтӕм цӕст дарын.