Цæгат Ирыстон цæттæ у Донецк æмæ Луганскы адæмон республикæтæй лидзæг адæмы суазæг кæнынмæ. Уый тыххæй фехъусын кодтой аппаратон æмбырды. Регионы разамонæг Сергей Меняйло бабар кодта республикæйы цæрджытимæ æмбарынгæнæн куыст кæнын. Фыццаджыдæр, банчы системæйы тыххæй. Ныртæккæ парахат кæны бирæ мæнг хъусынгæнинæгтæ. Хицауады уæнгтæ ма се ‘ргом аздæхтой эпидемиологон уавæрмæ æмæ хойрæгты æргътæм.
Республикæйы дарддæр бæстонæй цæттæ кæнынц Донецк æмæ Луганскы адæмон республикæтæй æнæбары сыстæг адæмыл сæмбæлынмæ. Ныртæккæ сарæзтой 14 рæстæгмæ пункты. Алкæцы дæр дзы басгæрстой. Аиуварс кодтой зынгсирвæзты ныхмæ системæйы уавæр санатори «Тæмискъ»-ы. Сергей Меняйло куыд фæнысан кодта, афтæмæй 10-æм мартъимæ республикæ хъуамæ уа цæттæ.
Республикæйы сæргълæууæг Сергей Меняйло ма бабар кодта республикæйы цæрджытимæ æмбарынгæнæн куыст кæнын. Фыццаджыдæр, банчы системæйы тыххæй. Ныртæккæ парахат кæны бирæ мæнг информаци. Уымæй уæлдай ма регионы разамонæг куыд бафиппайдта, афтæмæй бæстонæй цæст дарын хъæуы хойрæгты æргътæм.
Регионы эпидемиологон уавæр хуыздæр кæны. Æнæниздзинад хъахъхъæныны министрады сног кæндзысты пъланмæ гæсгæ диспансеризаци æмæ профилактикон æркастытæ. Сергей Меняйло бабар кодта, оперативон штабы æмбырдмæ уавæр бæстонæй сбæрæг кæнын. Уый фæстæ низы ныхмæ домæнтæ фæлæмæгъдæр кæндзысты, æви нæ, уый тыххæй уынаффæ рахæсдзысты.
Уазиты Зæлинæ
