Районты бартæ æрцыбыр кæнын зæххы хæйттæ дæттыны фарстайы. Ахæм хъæппæрис Сергей Меняйло бахаста аппаратон æмбырды. Ахæм уынаффæ рахаста Задалескы хъæуы хицауы ныхмæ уголовон хъуыддаг кæй байгом кодтой, уыимæ.
Бæрнон адæймаг йæ къайыл ныффыста æртæ зæххы гæппæлы. Æмбырды архайджытæ ма се ‘ргом аздæхтой бындурон цалцæджы фæлгæты лифтытæ ивыны æмгъуыдмæ. Сæргълæууæг фæнысан кодта, ивгъуыд аз ацы фарста æнтыстджынæй иуварсгонд цыд, ацы аз дæр хъуамæ хорз бæрæггæнæнтæ равдиса проект.
Ныхас ма цыд районты паркты зонæты аивдзинадыл. Алагир, Æрыдон, Брут, Беслæн цæттæ кæнынц «Чысыл горæттæ»-йы конкурсмæ. Дигора æхцайы фæрæзтæй кæй не ххæсы, уый аххосæй æркасты архайдæн проектон-хыгъдон гæххæттытæ скæнын йæ бон нæу.
