Соцфонды радзырдтой бинонты ног фиддон кæныны уагæвæрдтæ

Соцфонды радзырдтой, бинонты ног, ӕрвылазон фиддон куыд райсын хъӕуы, уый тыххæй. 1-æм июнӕй йӕм гæххæттытæ бадæттын сӕ бон у, 18 азы онг 2 ӕмӕ фылдӕр сывӕллоны чи хъомыл кӕны, уыдонӕн. Ахуыр чи кӕны, уыдоны кар — 23 азы онг. Ахсджиаг домӕн: курдиат бадæттæг хъуамæ æххæстæй бафида физикон удгоймӕгты ӕфтиӕгты хъалон ивгъуыд азæн. Бинонты рӕстӕмбис ӕфтиаг та — фӕцӕрынæн æппынкъаддæры бӕрцӕй иу æмæ æрдæг хаттæй фылдӕр ма уа. Цӕгат Ирыстоны у 23 940 сомы. Фиддон исыны бар алы аз дӕр бӕлвырд кӕнын хъӕуы. Курдиат хъуамæ арвыст æрцæуа ацы азы 1-æм октябры онг. Уый саразæн ис электрон хуызы “Госуслуги” кæнæ Социалон фонды официалон сайты уылты, стæй бирæвæрсыг центрмæ кæнæ Соцфонды клиентты службæмæ бацæугæйæ дæр.