Созанаты Сосланæн рахастой хæдзары ахстæй бадыны тæрхон

Гæртам райсыны фæдыл кæй аххосджын кæнынц, уыдонæй иу у Горæтгæрон районы прокуроры раздæры хæдивæг Созанаты Сослан. Абон ын рахастой хæдзары ахстæй бадыны тæрхон. Ахæм уынаффæ баст у нæлгоймагæн йе `нæниздзинад кæй фæцудыдта, уыимæ. Хабары тыххæй хъусын кæны информацион портал «15-æм Регион». Уæ зæрдыл уын æрлæууын кæндзыстæм, Созанаты Сосланы азымджын кæнынц гæртæмттæ исынæй æмæ ма йæ кусæн бынаты бартæй æнæхъуаджы кæй спайда кодта, ууымæй. Слестгæнджыты ныхæстæм гæсгæ, 2018 азы Созанаты Сослан коммерцион кусæндæттæй иуæй бадомдта гæртам 1 милуан сомы бæрц.