Спортивон скъола «Юность»-ы кадджын уавæры байгом кодтой æрыгон футболистты республикон турнир «Кожаный мяч-2022»-ы кæронбæттæны хай. Ерысты архайынц регионы хуыздæр иугондтæ.
Футболисты ерыс кæнынц кары æртæ къордмæ гæсгæ. Уæлахиздзаутæ хорзæхгонд æрцæудзысты кубоктæ, майдантæ æмæ кады гæххæтытæй. Дарддæр сæ цæттæдзинад равдисдзысты Æппæтуæрæсеон турниры. Кæстæрты къордæн турнир ацæудзæн Ивановæйы. Хистæртæм та æнхъæлмæ кæсдзысты Волжский æмæ Евпаторийы.
