Дзæуджыхъæуы гом арвы бын райдайдзысты ирон æвзагыл мультфильмтæ æвдисын. Хорз боныхъæд куы уа, уӕд цæудзысты сæрды кæронмæ, майрæмбонтæ æмæ саббатты. Мадзаларазджытæ — æхсæнадон организаци «Ирон Федераци».
Раздæры мультфильмтæй уæлдай ма тагъд рæстæджы равдисдзысты «Æртæ богалы æмæ Мысыры ‘хсин», «Лео ӕмӕ Тиг», «Бæх Юлий æмæ егъау дугътæ». Ацы азы февралæй та ма республикæйы районты культурæйы галуантæ æмæ кинотеатрты мультфильмтæ æвдисынц лæвар.
