Цæгат Ирыстоны минæвæрттæ систы «Студенческая весна», зæгъгæ æппæтдунеон фестивалы уæлахиздзаутæ. Мадзалы нæ республикæйæ сæ арæхтдзинад равдыстой 26 адæймаджы. Хуыздæр суæвыныл тох кодтой нæ бæстæйы 23 регионæй 2500 адæймаджы.
Цæгат Кавказæй фестивалы архайдта æрмæст Цæгат Ирыстон. Цæгат Ирыстоны Паддзахадон Университеты, Хæххон-металлургон институты æмæ медицинон академийы студенттæ бацæттæ кодтой цымыдисаг номыртæ. Се `хсæн «Симд» æмæ «Куырттатаг кафт». Уыдон фæсивæдæн рхастой гран-при.
Фестивалы архайæг Джихаты Стелла: «Фестивалы программæ уыд алывæрсыг. Фæсивæд архайдтой алыхуызон мадзалты. Зæгъæм, æрыгон журналисттæ. Уыдон тынг зæрдиагæй архайдтой. Æз бамбæрстон иу хъуыддаг. Адæймаг æппынæдзух хъуамæ йæхиуыл куса. Цæмæй уæлдæркъæпхæнтæм схиза».
