Светлана Бондаренко 57 азы кусы хъусæй æвзæр чи хъусы уыцы сывæллæттимæ. Сурдопереводчикæй. Ацы дæсныйад хуымæтæджы нæ равзæрста. Йæ ныыйарджытæ хъусæй нæ хъусынц. Саби бонтæй нырмæ йæ бамбæрста ахæм адæмæн æй æххуыс кæнын кæй фæнды, уый. Светлана Бондаренко скъола каст куы фæцис, уæд ахуыр кæнынмæ бацыд Мæскуыйы Ленины номыл педагогон институтмæ. Дефектологи, зæгъгæ факультетмæ. Уæдæй абонмæ йæ дæсныйадыл йæ зæрдæ нæ сивта. 8 азы кусы Мæздæджы интернаты. Хъусæй æвзæр чи хъусы ахæм сывæллæтимæ. Сæйрагдæр у сабийы хъуыды кæнын сахуыр кæнын. Уымæй уæлдай ма дзырдтæ раст дзурын.
Светлана Владимировнæйы кусæн бынаты фенæн ис сæрмагонд чингуытæ. Арæх зынгонд профессорты наукон кустытæм гæсгæ дæр сывæллæттимæ фæархайы. Ахуыртæ вæййынц æрвылбон. Сæрды та фæкусы æрмæстдæр сывæллæтты лагерь. Ахуыргæнæг арæх свæййы республикон æмæ æппæтуæрæсеон æркæстыты уæлахиздзау. Ууыл æрлæууынмæ нæ хъавы. Йæ фæлтæрддзинад фæбæрззондæр кæныныл архайы. Ацы къабазы ногдзинæдтæй пайда кæны йæ куысты.
Мæздæджы скъола-интернаты ахуыргæнæг Светлана Бондаренко: «Азтæ куыд цыдысты афтæ архайдтон мæ ахуырдзаутæ цæмæй астæуккаг съолайы ахуыр кæной. Уый хорз хъуыды рауад. Мæ скъоладзаутæ кæд хъусæй нæ хъусынц, уæддæр сæ иу ахуыр кæны Бауманы номыл училищейы. Дыккаг – чызг. Уый та Герцены номыл институт каст фæцис».
