Дзæуджыхъæуы 5-æм профессиналон училищæйы студент Къозонты Батраз сси æппæтуæрæсеон æркаст “Нострой”-ы призертæй иу.
Компетенци “Сухое строительство”-йы райста 3-аг бынат. Училищæйы уал цы къæпхæн уыд, уым фыццаг бынат бацахста. Уæдæ регионалон æркасты дæр афтæ. Федералон æмвæзадыл лæппуйæн фылдæр ныхмæлæуджытæ уыд. Фæлæ дзы Батраз уæддæр йæхи æнтыстджынæй равдыста. Республикæйы ахуырад æмæ наукæйы министр Алыбегты Эллæ йын йæ телеграм-каналы арфæ ракодта. Куыд фæбæрæг кодта, афтæмæй ахæм æркастыты архайд дæтты фадат дарддæры рæзтæн.
